Սիրելի բարեկամներ, շնորհակալություն ենք հայտնում «Ապագան բաց է» կրթական հասարակական կազմակերպության «Ձմեռ պապիկն այցելում է բոլորին» ակցիային աջակցության համար: Ձեր ջերմ նամակների ու քաջալերող զանգերի, նվիրատվությունների ու անձնական մասնակցությունների շնորհիվ մենք կարողացանք այս տարի ևս Ամանորյա հրաշքի ու հույսի ոգին փոխանցել երեխաներին, ում համար այն իսկապես անհրաժեշտ է: 2010թ. դեկտեմբերի 6-ից 24-ը տեղի ունեցած հանգանակության միջոցով հավաքվել ու վտանգված երեխաների (մանկատների և հատուկ դպրոցների սաներ), տեսողության խանգարումներ ունեցող երեխաների ու կարիքավոր ընտանիքների համար կազմակերպված փոքրիկ հյուրասիրությունների և նվերների համար ծախսվել է ավելի քան 500 հազար դրամ, ինչի վերաբերյալ հաշվետվություններ են ներկայացվել նվիրատուներին ու աջակիցներին: Հավատում ենք, որ այս տարի ավելին կարող ենք իրականացնել՝ միասին: