Մենք պատրաստ ենք քննարկել բոլոր այն առաջարկները, որոնք կարող են օգնել երեխաներին իրենց ապագա մասնագիտությունն ընտրելու և հասուն կյանքում իրենց հաջողությունն ապահովելու հարցում:

Խնդիրը

  Հայաստանի Հանրապետության մանկատներում բարձր դասարանների երեխաները իրենց ապագա մասնագիտությունն ընտրելու դժվարին խնդրի առջև են կանգնած, որի պատճառը տեղեկատվության պակասն է և մի շարք այլ հանգամանքներ:

Նպատակը

  Նպատակն է օգնել մանկատներում ապրող բարձր դասարանների երեխաներին ընտրել ճիշտ մասնագիտություն, ձեռք բերել աշխատանքային փորձ և հետագայում նրանց ապահովել աշխատանքով, ինչը հույժ կարևորագույն խնդիր է:

Ինչպե՞ս

  Համապասխան հետազոտությունից հետո տեղեկացնել մանկատներում ապրող բարձր դասարանների երեխաներին պահանջարկ վայելող մասնագիտությունների մասին, կազմակերպել բաց դասեր, սեմինարներ, հանդիպումներ, քննարկումներ և կոնֆերանսներ մասնագիտական տարբեր ոլորտներում ընդգրկված բոլոր երեխաների համար, այցեր կազմակերպել բարձրագույն ուսումնական հաստատություններ, գրասենյակներ, որպեսզի աշակերտները գործականում ծանոթանանան այն հմտություններին ու գիտելիքներին, որոնց նրանք պետք է տիրապետեն համապատասխան մասնագիտույունն ընտրելու դեպքում:

  Ստեղծել առցանց գրադարան և թերթ, որտեղ ընդգրկված կլինեն և մասնագետներ, և աշակերտներ, հմուտ մասնագետների օգնությամբ ստեղծել գրքույկ, ուր կզետեղվեն հայտնի մարդկանց հաջողության հասնելու գործընթացի մանրամասն նկարագրությունը, ստեղծել վեբկայք, որտեղ կլուսաբանվի կատարված աշխատանքներն ու արդյունքները,կտրվի մանրամասն տեղեկատվություն, տեսաֆիլմեր և ուսումնական նյութեր, որպեսզի երեխաները կարողանան անհրաժեշտ տեղեկությունը ստանալ ինտերնետի միջոցով;

  Համաձայնության գալ համալսարանների վարչական մասերի և ուսանողական խորհուրդների հետ երեխաներին ԲՈՒՀ-եր տանելու և դասախասություններին, կոնֆերանսներին ներկա լինելու շուրջ, որ նրանք ավելի հիմնավոր պատկերացում կազմեն տարբեր առարկաների և երևույթների մասին, կազմակերպել քննարկումներ` հրավիրելով ուսանողներ և այս ոլորտում բաձր որակավորում ունեցող մասնագետներ: