Ուզու՞մ եք բաժանորդագրվել մեր նորություններին և միջոցառումներին

Ուզու՞մ եք միանալ մեր համայնքին

Նորությունների արխիվ
Ձմեռ պապիկն այցելում է բոլորին 2014 - 2015
Santa Claus Visits Everybody
Ուզու՞մ եք տեսնել կարիքավոր երեխաների ուրախությունը, երբ Ձմեռ Պապիկը այցելում է իրենց...

Սիրելի բարեկամներ,
Մոտենում են Ամանորի և Սուրբ Ծննդյան տոները, երբ հավաքվում ենք միասին` հարազատների ու մտերիմների ջերմությամբ շրջապատված դիմավորելու Նոր տարին, երբ փոքրիկները սպասում են Ձմեռ պապիկի նվերներին...
Իսկ գիտե՞ք, որ կան մանուկներ, ում Ձմեռ պապիկը չի այցելում: Երեխաներ, ովքեր չգիտեն` ինչ է ընտանեկան ջերմությունը: Փոքրիկներ, ում համար Նոր տարին որևէ հրաշք չունի...
Ուզու՞մ եք օգնել` ամանորյա հեքիաթը իրականություն դարձնելու այս երեխաների համար: Ուզու՞մ եք զգալ, որ ինչ-որ տեղ կան երեխաներ, ում կյանքերում ամանորյա հրաշք է տեղի ունեցել` հենց ձեր շնորհիվ:
Դուք նույնպես կարող եք օգնել երեխաներին: Իսկ միասին ամեն ինչ կարող ենք:

Ավելի քան 9 տարի «Ապագան բաց է» կրթական հասարակական կազմակերպությունը ( www.fio.am ) կրթական ծրագրեր է իրականացնում մանկատների, հատուկ դպրոցների և կարիքավոր ընտանիքների երեխաների համար: Յուրաքանչյուր տարվա դեկտեմբերի վերջին շաբաթվա ընթացքում «Ձմեռ պապիկն այցելում է բոլորին» ակցիայի շրջանակներում մենք ամանորյա հյուրասիրություններ և այցելություններ ենք իրականացնում Երևանի ու մարզերի մանկատների, հատուկ դպրոցների և կարիքավոր ընտանիքների երեխաների համար:

Ինչպե՞ս կարող եք մասնակցել դուք.
- դրամական նվիրատվություն կատարել (ընդամենը 1,000 դրամով դուք կարող եք հոգալ մեկ երեխայի ամանորյա հյուրասիրության և նվերի ծախսերը)*
- օգնել մեզ երեխաների համար կազմակերպվող միջոցառումների ժամանակ
- տարածել այս ակցիայի մասին բարի լուրը

* Ինչպես և ամեն տարի, ամանորյա միջոցառումների հետ կապված աշխատանքները իրականացվելու են թափանցիկ և բոլոր աջակիցների համար հասանելի տարբերակով, իսկ աշխատանքների ավարտից հետո հաշվետվություն է ներկայացվելու:

Մասնակցելու և լրացուցիչ մանրամասների համար խնդրում ենք մինչև դեկտեմբերի 30-ը կապ հաստատել մեզ հետ:

«Ապագան բաց է» կրթական ՀԿ
հասցե` Քաջազնունի 1, 3-րդ հարկ
հեռ.` +[374](10) 55-91-26 (14:00-18:00)

կոնտակտային անձ` Սամվել Մովսիսյան
հեռ.` +[374](77) 62-66-43
էլ.փոստ` smovsisyan@gmail.com
Ապագան բաց է

Մենք աջակցում ենք մանկատների, հատուկ դպրոցների և կարիքավոր ընտանիքների երեխաներին կրթության միջոցով կերտելու իրենց արժանապատիվ ապագան:

Դուք նույնպես կարող եք օգնել. ձեր կողմից հատկացված շաբաթական ընդամենը մեկ ժամը կարող է այս երեխաներին նոր հնարավորություններ պարգևել:
Ուզու՞մ եք մասնակցել:

Նորությունների արխիվ
Ուզու՞մ եք կապ հաստատել մեզ հետ
«Ապագան Բաց է» կրթական հասարակական կազմակերպություն © 2005-2014